PARTE HARTU ORAIN MUGIKORTASUNAREN GALDETEGIAN HEMEN KLIK EGINEZ
Zure parte-hartzea ezinbestekoa da Leioako errealitatera egokitutako eredu bat egiteko.

Udalak Hiri Mugikortasun Jasangarriaren Plan berria egiten hasi da

Orain diseinatzen hasten den dokumentu hau, Leioako oraina eta haren ezaugarri bereziak hartzen ditu erreferentziatzat,hiri-mugikortasunari dagokionez, eta udalerriak etorkizunean bere gain hartu beharko dituen erronkak planteatzen ditu.

Hiri Mugikortasun Jasangarrirako Plana (HMJP) da udalak hiriaren iraunkortasun, segurtasun eta konektibitateprintzipioak bereziki azpimarratzearen alde egiten duen apustua.

Konpromiso hau 2023 – 2027 Agintaldi Planean bertan lantzen da. Dokumentu horretan berariaz jasotzen da HMJParengarapena, Leioako herritarren bizi-kalitatea, ongizatea eta mugikortasuna hobetzen jarraitzeko helburuarekin.

Leioa ezaugarritzen duen hiri-bilbeak eta erdigunearen eta auzoen eraldaketak bizitzen ari diren aukerek ezinbestekoegiten dute etorkizunerako eredu eraginkor eta jasangarri baten alde lan egitea. Baliabideak optimizatuko dituen eta oinezkoei udalerriaren bizigarritasuna erraztuko dien eredu bat, emisio kutsatzaileak eta hiri-inguruneko zaratakmurriztuko dituena eta oinezko joan-etorriak eta auzoen arteko interkonexioa lehenetsiko dituena.

Helburu argi horiekin, Planak neurriak planteatu, joerak hobetu eta herritarrak kontzientziatu nahi ditu mugikortasunarenarloan bizi-kalitatea hobetuko duten alderdiak ezartzeko.

HMJParen barruan, udalerriaren errealitateari buruzko hainbat azterketa tekniko egingo dira, eta, horien bidez, arazonagusiak antzemango dira eta hainbat informazio-iturri aztertzeko prozesu neketsu batean irtenbide posibleak planteatukodira.

Web orri honetan, prozesuak forma hartu ahala abian jarriko diren parte hartzeko faseak, dokumentuak eta tresnaktxertatuko dira.

 

Zer jasotzen du Hiri Mugikortasun Iraunkorreko Plan batek?​

Planak bi zati ditu:

1. Gai hauek landuko dituen diagnostikoa:
  • Lurralde- eta hirigintza-ereduak mugikortasunean eta, oro har, garraioan duen eragina.
  • Udalerrian dauden garraiobideak eta horiek energiaren erabileran duten eragina. Diagnostiko horrek, besteak beste, alderdi hauek adierazi beharko ditu: garraiobideak, edukierak, motorrik gabeko mugikortasunerako ibilbide estrategikoak, ibilgailu-mota desberdinetarako aparkalekuak, erregaiak kargatzeko sistema publikoak eta jende ugari biltzen duten jarduera ekonomiko, laboral edo zerbitzuetarako zentroak.
 
2. Mugikortasunari buruzko neurriak

Honako hauei buruzko neurri batzuk:

  1. Bide-sarearen zirkulazioa, egitura eta kudeaketa
2. Aparkatzea
3. Garraio publikoaren erabilera sustatzea
4. Hiri- eta herritar-espazio publikoaren hobekuntzak
5. Bide-segurtasuna eta oinezkoen mugikortasuna
6. Salgaien banaketa hobetzea
7. Ingurumenaren kalitatea hobetzea eta energia aurreztea

Planak argi eta garbi adierazi beharko ditu lortu nahi dituen helburuak, Udalak konprometitutakoinbertsioak, urteko jarraipenaren adierazleak eta horiek lortzeko epea.

Diagnostikoa egin eta eskaerak aztertu ondoren, Leioako HMJPak Leioako hiri-mugikortasun jasangarria hobetzeko ardatz nagusiak proposatu beharko ditu, eta jarduera zehatzak definitu, Planak bere jarraibideetan proposatzen dituen helburuak lortzeko.

Leioako Hiri Mugikortasun Jasangarriko Plana idazteko prozesuazazpi fasetan garatuko da dokumentazioarekin elikatuzeta osatuz prozesuak aurrera egin ahala:

Mugikortasunaren dokumentua garatzeko hasierako fasea da. Leioan mugikortasunaren azterketa oso bat egitea aurreikusten du, herrian mugitzeko fluxuak eta moduak lortzeko helburuarekin. Lan teknikoaz gain, inkestak egingo dira eta hainbat tailer egingo dira herritarrekin, Leioako herritarren  iritziak jasoko direla bermatzeko.

Kontsultatu prozesuari hasiera ofiziala ematen dion alkatetzaren dekretua: DEKRETUA

Diagnostiko-dokumentuaren ondorioen arabera, taldeak HMJParen aurretiazko bertsioa idatziko du, helburu orokor eta espezifikoen lehen definizioarekin, lan-agertoki posibleen ezarpenarekin eta zehaztu beharreko neurri posibleen hurbilpenarekin.

HMJParen atariko bertsioa aurkeztu ondoren, hainbat tailer parte-hartzaile egingo dira herritarrekin eta Udaleko langile tekniko eta politikoekin, etorkizuneko HMJPean sartu beharreko neurriak zehazte aldera.

Udaleko zerbitzu teknikoek dokumentua baliozkotu ondoren, Udalbatzak aztertu beharko du, hasierako onespena eman diezaion.

HMJPari hasierako onespena eman ondoren, jendaurrean jarriko da, hala nahi duten pertsonek egoki iritzitako alegazioak aurkez ditzaten.

Udaleko zerbitzu teknikoek aurkeztutako alegazioen ebazpena baliozkotu eta HMJPean sartu ondoren, azken dokumentua Udalbatzari aurkeztuko zaio, behin betiko onar dezan.

Prozesua amaitzeko, HMJParen behin betiko bertsioa aurkeztuko zaie herritarrei eta udaleko teknikari eta politikariei.

Herritarren  partaidetza

Herritarrek Parte Hartzeko Programa bat dago onartuta, eta esteka honetan deskargatu daiteke:

Leioako herritarrek HMJParen lanketan parte har dezaten antolatzen da parte-hartzea.

Diagnostikoaren lehen fase hau funtsezkoa da mugikortasunari dagokionez, udalerriaren errealitatea ezagutzeko. Horretarako, egoeraren azterketa teknikoa egiteaz gain, Leioako herritarrek udalerri barruko eta kanpoko mugikortasuna nola bizi duten eta zer arazo dauden jakin behar da.

Horretarako, hainbat kanal prestatu dira.

MUGIKORTASUN ARAZOAK DETEKTATZEA:

Galdetegi bat, estekaren bidez eskuragarri, edo paperean (hemen deskargatu daiteke) eskura jarri dira, eta udal-eraikinetan jarritako postontzietan jaso dira. (Amaitu zen maiatzaren 27an)

Horrez gain, parte hartzeko 3 tailer egin dira:

Maiatzak 21 – San Bartolome Txokoa.

Maiatzak 22 – Kultur Leioa.

Maiatzak 27 – Lamiakoko Eskolan.

Ordua: 18:00.

Mila esker parte hartu duzuen guztiei!

MUGIKORTASUNAREN OHITURAK:

Parte-hartze prozesuak aurrera jarraitzen du, Leioako bizilagunen mugikortasun ohiturei buruzko informazioa bilduz.

Bete ezazu galdetegi digitala eta konta iezaguzu nolakoa den zure egunerokoa Leioatik. Diagnostiko on bat egiteko, oso garrantzitsua da lehen eskuko informazioa izatea. 

      PARTE HARTU! (PROZESU IREKIA)

Sartu hemen

HMJPa idazteko fase honetan, hainbat mugikortasun-aukera ezarriko dira Leioarako, eta zenbait kanalen bidez parte hartuko dute.

Besteak beste, hauek egingo dira:

•Parte-hartze tailerrak udaleko teknikariekin.

•Parte-hartze tailerrak udaleko ordezkari politikoekin.

•Parte-hartze tailerrak herritarrekin.

Fase hau aktibatzen den bitartean, publiko ezberdinen parte-hartzea bideratzeko dokumentuak eta tresnak txertatuko dira.

Alegazioen Fasean parte hartzeko, hirigintza-plangintzan aurreikusitako bide formalak erabiliko dira, eta legez ezarritako epeak beteko dira.

Prozedura formala Leioako egoitza elektronikoaren izapidetze digitaleko prozeduraren bidez egin ahal izango da.

Parte-hartze prozesua amaitzeko, HMJPa itxi eta aurkezteko saioa egingo da, herritar eta erakunde guztiei irekia. Fase horretara iristean, informazio gehiago emango da.

• Udaleko teknikariei aurkeztea.

• Herritarrei aurkeztea.